Давид Де Ла Крус «Астана» командасына ауысады
Испаниялық шабандоз Давид Де Ла Крус алдағы 2022 және 2023 жылдардағы екі маусымды қазақстандық «Астана» командасында өткізеді. 32 жастағы велоспортшы таулы аймақта өтетін және көпкүндік жарыстардың мықты шабандозы ретінде танымал. Ол биылғы жылды қоса есептегенде «Испания Вуэльтасының» жалпы классификациясында үш рет 7-орынға ие болған.
“Мен келесі маусымда «Астана» командасына қосылатыныма өте қуаныштымын. Александр Винокуров маған оның командасына қосылу туралы ұсыныс айтқан кезде, көп ойланбай, тез шешім қабылдадым. Менің ойымша, «Астана» – бұл маған мінсіз келетін команда. Сондай-ақ шабандоз ретінде мен де командаға лайықтымын деп ойлаймын. Маған команданың стилі, мінезі, амбициясы және жалпы есепте жеңіске жетуге басты назар аударатыны ұнайды. Сондықтан, командаға үйреніп кете аламын деп ойлаймын. Әрине, командадағы бірінші маусым қиын болуы мүмкін. Бейімделудің белгілі бір кезеңінен өту керек болады. Бірақ мен тез арада топқа қосыла аламын деп үміттенемін. Басшылықпен бірге күнтізбені жақсы жоспарлай алатынымызға сенімдімін. Онда команданың маңызды мақсаттарына көмектесемін және мен жеке нәтижелерге жетуге мүмкіндік аламын. Мүмкін, мен «Испания Вуэльтасында», тіпті «Джиро-д’Италияда» жалпы есепте сынға түсу мүмкіндігіне ие болармын. Бірақ бірінші кезекте «Астанамен» бірге үлкен жетістікке жету үшін командалық стратегия мен жоспарларды орындауға дайынмын”, – деді Давид Де Ла Крус.
Давид Де Ла Крус әр түрлі көпкүндік жарыстардың үздік үштігі мен Топ-10-дық қатарынан еніп, бірқатар басқа беделді жарыстарда да жеңістерге жеткен. Испаниялық спортшы «Испания Вуэльтасы» (2016), «Баск елдерінің туры» (2017), «Париж – Ницца» (2017, 2018) және «Андалусия Вуэльтасында» (2018) жеңімпаз атанған.
Давид Де Ла Крус 2021 жылдың маусымында Испания чемпионатының күміс жүлдегері атанды. «Люксембург» турнирінің жалпы есебінде 4-орын, «Бургос Вуэльтасында» жалпы есепте 5-ші болды. «Испания Вуэльтасының» қорытынды және бас классификациясында 7-нәтиже көрсетті.
“Давид – көпкүндік жарыстарда біздің команданы нығайта алатын тәжірибелі және табысты шабандоз. Мен Гранд-турлар туралы ғана емес, сонымен қатар апталық көпкүндіктер туралы айтып тұрмын. Ол таулы аймақта жақсы өнер көрсетеді. Шабуылдағанды жақсы көреді. Шабандоз өз позициясын қорғап қана қоймай, қарсыластарынан да ұпай ала алатын «жекелей жарыс» кезінде өзін жақсы сезінеді. Бұл біз үшін жақсы нығайту – біз Давидті белгілі жарыстарда, Гранд-турларда командалық құрамға қоса ала аламыз. Сонымен қатар оған ыңғайлы болатын жарыстарда өзін дәлелдеуге мүмкіндік беруге дайынбыз”, – деді команданың 2022 жылдағы бас менеджері Александр Винокуров.
Photo credit: @Gettysport